ԱՄՆ Սիեթլի Q13 FOX լրատվական հեռուստաալիքի հաղորդավարները փորձարկել են Google ընկերության Quick Draw! խաղը: Այն իրական ժամանակում նեյրոցանցերի օգնությամբ հասկանում է, թե ինչ է նկարում մարդը:

Ըստ Lenta-ի՝ խաղը փորձարկելու համար հրավիրել են հաղորդավարուհի Քեյսի Այչինթոնին: Նրան խնդրել են սենսորային էկրանին ատրճանակ նկարել: Սակայն նկարելու ընթացքում աղջիկը հասկացել է, որ իր նկարը տղամարդու սեռական օրգանի է նմանվում: Նա փորձել է ձեռքերով փակել նկարը, բայց երբ հասկացել է, որ չի կարող, մեջքով ծածկել է պատկերը, իսկ ձեռքերով՝ դեմքը: Սա նրա գործընկերոջ բուռն արձագանքին է արժանացրել: