87 տարեկան հասակում կյանքից հեռացել է աշխարհահռչակ ծաղրածու, ԽՍՀՄ ժողովրդական արտիստ Օլեգ Պոպովը: Ռուսական պետական կրկեսի մամուլի քարտուղար Անժելիկա Աննաեւան Newsru-ին հայտնել է. «Օլեգ Պոպովը մահացել է կրկեսի Դոնի Ռոստովի հյուրանոցում: Նա մահացել է Ռոստովում, ուր հյուրախաղերի էր մեկնել: Կինը նրա կողքին է եղել: Հիմա դստեր հետ քննարկվում է հուղարկավորության վայրն ու օրը»:

Պոպովին անվանում էին«Արևային ծաղրածու»։ Վարշավայում կրկեսների միջազգային փառատոնի (1957), Օսկար մրցանակի (1958, Բրյուսել) դափնեկիր էր։ Հյուրախաղերով հանդես է եկել արտասահմանում։