NEWS.am STYLE-ը շարունակում է ներկայացնել հայ հայտնիների կատարած աշխատանքն ու ցուցաբերած ակտիվությունը: Այս անգամ կներկայացնենք, թե ինչ գործունեություն է ծավալում երգիչ Միհրան Ծառուկյանը: 

Միհրան Ծառուկյանն այս տարի աչքի ընկավ մի քանի հիթային երգերով, տեսահոլովակներով եւ համերգային շրջագայություններով: 2013-ի փետրվարին նա ներկայացրեց «Թե կուզես» տեսահոլովակը, այնուհետ` մայիսին, «Մի նայիր» երգի տեսահոլավակը եւ վերջապես սեպտեմբերին` «Սրտիս ուզածը», որի մի մասը նկարահանվել է Օդեսայում:

Երգիչն այս տարի «դերասանային» գործունեություն չծավալեց, սակայն չդադարեցին խոսակցությունները, թե նա եւ սերիալում իր հետ նկարահանված Շուշաննա Թովմասյանը սիրավեպ ունեն: